Убавината и раскошот на жените од митологијата, божиците и нимфите, се креативниот импулс како инспирација за нашата нова капсулна колекција „Satin dream“ која ја создава својата приказна околу уметничкиот моден израз.
Архитектурата, скулптурите и украсите од старогрчката и римската уметност вешто се преточени во модернизирана линија на ексклузивни наметки кои им овозможуваат на модерните дами кои бараат храбар и атрактивен дизајн привилегијата да се чувствуваат како вистински божици.
За да се постигне ефектот на грациозност, употребени се памучен сатен, рафинирана органза и свилена жоржет, кои ќе овозможат леснотија и сензуалност во движењето, а притоа давајќи ја совршената нота на женственост како врвен идеал на оваа капсулна колекција.
Комбинацијата на земјени тонови, златни и бакарни нијанси, нагласени со рачно дизајнирани орнаменти и украси, го отсликуваат раскошот од тоа време, правејќи вешто трансформација во денешно и идно модно време.
